今日朝早去完食野之後，其實都打算留返在家，中午時，同Miku妹妹傾左一陣，不過同佢傾傾下時，個胃無啦啦又痛到痴筋咁，我仲講笑咁講，去沖個凍水涼冷靜一下，不過之後我真係咁樣做……當然有食止痛藥啦，之後就準備出去新之城，因為約左路人同老細出去呢…
去到西鐵站，等埋蒼月，就一齊出去，去到新之城，見到老細已經到左，之後我同蒼月都分別去左打KOF 02，但係我同佢打既機都係有D壞掣，我冇留意佢有冇輸到呢，不過我自己就嬴左3局之後輸左，壞掣，真係輸得唔抵，不過算啦，之後就同老細仲有蒼月去左魚麵果度等路人黎，去到之後，蒼月就食野，而我同老細就玩JSS，大家都係睇睇對方有咩Card，其實未真係去玩呢，而蒼月因為剛剛先買，所以亦都係新手，真正既高手遲遲到未到呢，就係我地傾緊計時，路人亦都趕到喇，但係同時，蒼月亦都夠鐘走人，因為佢約左朋友呢，哈哈
蒼月走左之後，我地亦都冇再研究D Card喇，開始對戰，好好玩呢，同人打果然係唔同，人情盡表現，詳細情況唔多講喇，總之，十分期待JSS聚啦
打完JSS，我地又去返新之城，不過唔係打機，而係去夾公仔…原來佢地鐘意玩依D野呢，見到老細夾到佐助同嗚門呢，好似好正咁，下次我都要去試下，之後就出左去出面行，四圍行左一陣，之後就上左元綠食野，唔好講笑，我同老細一黎到之後都叫左碗麵打打底先，勁搞笑，之後邊傾邊食，時間過得幾快，仲有，老細又比左隻應援團我玩，初初玩真係唔知佢想點，不過玩落又幾得意，不過都係覺得會好快玩厭，都係睇定D或搵二手算了，食完野之後，同路人一齊多謝左老細一聲，因為今餐係老細請，哈哈，早知食多D啦，離開左元綠之後，我地又再次去返新之城，又係去夾公仔，不過今次就好似唔太順利，老細想夾果度孖寶兄弟，夾左好耐都夾唔到，但到最後，都係成功比佢夾到，而路人亦都去左夾鎖匙扣呢，佢仲送左隻軍曹既鎖匙扣比我呢，紅色果隻，好熱血。
食完玩完，大家就算自回家了，今日其實比想像中好玩，希望下次會再多D人啦
P.S. Miku妹妹唔好灰，我X你!!!! 記得嘛?開心D呀!! xD
